ग्रॅण्डमास्टरांची पासष्टी
गेल्या आठवड्यात आपण सर्व जण विधानसभेच्या निवडणुकीच्या बातम्यांच्या गदारोळात हरवून गेलो असताना, भारतीय क्रीडा विश्वात एका नव्या ताऱ्याचा जन्म होत होता , आणि हा तारा महाराष्ट्राच्या भूमीत जन्मला येत होता हे विशेष . जगातील नवव्या क्रमांकाच्या सर्वात तरुण बुद्धिबळ ग्रॅण्डमास्टरच्या रूपात हा तारा उदयास येत होता . रौनक साधुवाणी हे त्या ताऱ्याचे नाव . रौनक भारताचा ६५ वा ग्रँड मास्टर आहे . १३ वर्ष ९ महिने आणि २६ दिवसाचे असताना त्याने हा पराक्रम केला आहे . भारतीय युद्धकलेच्या पाश्वभूमीवर आधारलेला, भारतीय लोकांनी शोधलेल्या या खेळावर आता आता पर्यंत रशियन खेळाडूंचे वर्चस्व होते . ते मोडीत काढत आता अनेक भारतीय खेळाडू मोठ्या जोमाने पुढे येत आहेत . रौनक साधुवाणी हा त्या नव्या पिढीचे प्रतिनिधित्व करतो . रौनक नागपूरच्या सेंट्रल पॉईंट या शाळेत शिकतो . Isle of man –United Kingdom या बुद्धिबळ विश्वातील अवघड समजल्या जाणाऱ्या काही स्पर्धांपैकी एक असणाऱ्या स्पर्धेत ११ व्या डावात त्याने हि कामगिरी केली . ही स्पर्धा १० ऑक्टोबर ते