खाजगी रेल्वे विरुद्ध तोट्यातील सरकारी रेल्वे (भाग 1)
गेल्या काही दिवसांपासून दोन बातम्यांनी भारतीय रेल्वेविश्व अक्षरशः ढवळून निघाले . त्यापैकी एका बातमीवर रेल्वे कर्मचाऱ्यांकडून संतप्त प्रतिक्रिया उमटली . दुसऱ्या बातमीवर हा लेख लिहीत असताना तरी रेल्वे कर्मचाऱ्यांकडून अद्याप कोणत्याही प्रकारची प्रतिक्रिया देण्यात आल्याचे वृत्त नाही . पहिली बातमी म्हणजे 150 खाजगी रेल्वे चालवण्याचा निर्णय होय ज्यावर रेल्वे कर्मचाऱ्यांकडून संतप्त प्रतिक्रिया उमटली आणि दुसरी म्हणजे गेल्या 10 वर्षात सर्वात जास्त तोटा रेल्वेला होण्याची बातमी . मित्रानो या दोन्ही गोष्टी एकमेकांशी निगडित बाबी आहेत . आणि त्यांची बातमी पाठोपाठ येणे हे नक्कीच काळजी करण्यासारखे आहे . मित्रानो , भारतीय रेल्वे जगातील सर्वात मोठा रोजगार देणारा सार्वजनिक उपक्रम आहे . त्यामुळे या प्रश्नाकडे गांभीर्याने बघायलाच हवे . मित्रानो भारतीय रेल्वेमध्ये भारतीय तीन प्रकारे भरती होऊ शकतो . पहिल्या प्रकारामध्ये केंद्रीय लोकसेवा आयोगामार्फत होऊ शकतो केंद्रीय लोकसेवा आयोगामार्फत जी नागरी सेवा परीक्षा ( जी आपल्या महाराष्ट्रात यूपीएससीची परीक्षा म