आदरांजली एक मराठमोळ्या विज्ञान वेड्याला
मला आज सकाळी खगोलशास्त्राची रुची असलेल्या एका मित्राचा फोन आला, त्याने सांगितले अरे मोहन आपटे सर गेले . मी सुन्नच झालो . मोहन आपटे सर म्हणजे मराठीत विज्ञानविषयक लेखन करणाऱ्या व्यक्तींपकी एक मह्त्वाचे नाव . सध्याच्या काळातील हाताच्या बोटावर मोजता येईल , अश्या मराठीतून विज्ञान विषयक लेखन करणाऱ्या व्यक्तीपैकी एक . माझा आणि त्यांचा संपर्क प्रत्यक्ष जरी नसला तरी त्यांची अनेक पुस्तके मी वाचली आहेत , त्या अर्थाने एक वाचक आणि लेखन म्हणून आमचा खूप चांगला संबंध होता . संस्कृतप्रचुर समजण्यास कठीण अश्या मराठीतील विज्ञान लेखनास त्यांनी सर्वसामान्य लोकांना समजेल अश्या पद्धतीने आकृतिबद्ध केले . त्यांच्या विज्ञानाच्या विविध शाखेतील शास्त्राची माहिती देणारी मला उत्तर हवंय , ही पुस्तकमाला खूप गाजली . किंबहुना त्यामुळेच हे घराघरात पोहोचले . सहज सोपी भाषा , प्रश्नोत्तरांचा स्वरूपातील पुस्तकांची भाषा यामुळे ही सर्वच पुस्तके गाजली . त्यांनी निव्वळ विज्ञान विषयक लेखन केले असे नाही तर विज्ञान लोकप्रिय