आजचे बालसाहित्य
जुने मासिके बंद झाले तरी नव्याने सुरु झाली असतील काही कॉमिक्स या समजुतीतून मी पुढे विचारले , बरे ती बंद झाली असतील तर छोटा भीम , निंजा हतोरी, डोरेमॉन या सध्याचा काळातील सुपर हिरोंचा नावाने एखादे कॉमिक्स सुरु असेल ना ? माझ्या या प्रश्नावर देखील त्याने नकारघंटा बजावत सांगितले ती फक्त टीव्हीवरील सुपर हिरो आहेत . त्यांच्या नावाने एखादेपण कॉमिक्स निघत नाही . मी लहानपणी चाचा चौधरी और साबू या कॉमिक्स चा चाहता होतो . त्या वेळेस मी त्याचे अनेक अंक जमवून ठेवले होते . कालांतराने मी ते फेकून दिले . असोनाही म्हणायला त्यांनी मला काही अमरकथा चित्राचे काही अंक काढून दिले आणि सांगितले चांदोबा काळाचे हे अंक सध्या मिळतात , मात्र ते देखील सहजतेने आंही नाही पण मिळताय
आपल्या कडे वाचनाचे महत्व अनन्य साधारण असल्याचे सांगितले आहे . मात्र सध्याची परिस्थिती बघता हे कसे काय शक्य आहे . बाळ मानसशास्त्रानुसार मुले अनुकरणीय असतात . मोठे जे करतात त्याचाच कित्ता मुले गिरवतात . ते बघता मोठ्यांना वाचताना बघितले तर लहानांनी काय वाचायचे ? मोठ्यांची पुस्तके , लहान मुलांच्या भावाविषयासी एकरूप होतील अशी पुस्तके सध्या का दिसत नाही . निदान मला तरी आढळलेली नाही . माझे निरीक्षण परिपूर्ण आहे असा माझा दावा नाही . किंबहुना ते अपूर्ण चुकीचेच असल्याचे म्हंटले तर वावगे ठरणार आंही .
पुण्यातील चपराक नावाचे एक प्रकाशक , तसेच साने गुरुजींनी सुरु केलेले साधना या साप्ताहिकातर्फे काही प्रमाणात बाल साहित्याची निर्मिती केली जाते असे ऐकिवात आहे , खरे खोटे देवाला माहिती .
टिप्पण्या