अनेक दुर्लक्षित पर्यटनस्थळे असणारा जिल्हा ........ जळगाव
विशिष्ट चष्म्यातूनच बघतो . त्या गोष्टीला इतर अनेक पैलू असू शकतात हे आपल्या गावीही नसते . उदाहरणार्थ जळगावला गेल्यावर पर्यटन स्थळे बघायची असल्यास जा अजिंठा वेरूळला वगैरे . मात्र जळगावला गेल्यावर अजिंठा आणि वेरूळ सोडून अनेक बघण्यासारखी स्थळे आहेत जसे साडेतीन गणपतींपैकी एक पूर्ण पूर्ण गणपतीचे स्थान असणारे पद्मालय, ( पुणे परिसरात असणाऱ्या अष्टविनायकांखेरीज महाराष्ट्रात गणपतींची साडेअकरा स्थाने आहेत. ज्यामध्ये नागपूर परिसरात
असणाऱ्या 8 गणपतीचा तसेच या साडेतीन गणपतींचा समावेश होतो ), तसेच उनपदेव आणि मनुदेवी या गरम पाण्याच्या झऱ्यांच्या ठिकाणासह अमळनेर येथील भारतातील मोजक्या ठिकाणी असणाऱ्या मंगळाचे मंदिर वगैरे . मी नुकतीच यातील अमळनेर येथील मंगळाच्या मंदिराखेरीज अन्य तीन ठिकाणी भेट दिली . त्या प्रसंगी मला जाणवलेले तेथील स्थानमहत्व तुम्हाला सांगण्यासाठी आजचे लेखन.
मी नेहमीप्रमाणे माझ्या प्रवासाची सुरवात केली ती शनिवारी रात्री . मी नेहमी महाराष्ट्र राज्य परिवहन महामंडळाच्या बसेसने प्रवास करतो. मात्र नाशिकहून जळगावासाठी शेवटची बस सायंकाळी सात वाजता असल्याने आणि मी त्या पर्यंत माझ्या नैमिक्तिक कामातून मोकळा होत नसल्याने मला शेवटी रेल्वेच्या पर्याय निवडावा लागला . तर नाशिकरोडहून मी त्यादिवशी मंगला एक्क्सप्रेसने मनमाडला पोहोचलो . आणि मनमाड मधून झेलम एक्सप्रेसने जळगावला पोहोचलो . मला नाशिकहून विदर्भ एक्सप्रेसने मनमाडला न थांबता जळगावला जाता आले असते मात्र विदर्भ एक्सप्रेसने जळगावला पोहोचण्याची वेळ मला काहीसा गैरसोयीचा वाटल्याने मी हा मार्ग निवडला . असो . तर मी जळगावला पोहोचल्यावर, जळगावच्या जिल्हा पेठ भागातील नवीन बस स्टॅन्ड परिसरातील लॉज निवडून माझ्या त्या दिवशीचा प्रवास 
मित्रानो साडेतीन गणपतींपैकी एक स्थान असणाऱ्या पद्मालय या ठिकाणी पोहचण्यासाठी धुळे-जळगाव मार्गावरील एरंडोल हे ठिकाण खूप सोईचे आहे . तेथून सुमारे पंधरा वीस मिनिटात आपण या ठिकाणी पोहोचू शकतो . किंवा जळगावहून या ठिकाणी येण्यासाठी बसेस देखील आहेत . जळगावहून एरंडोल या ठिकाणी जाण्यासाठी दोन मार्ग आहेत . त्यातील एका मार्गावर पद्मालय आहे . एका सुंदर तळ्याच्या ठिकाणी हे मंदिर आहे . या ठिकाणी मंदिर संस्थनामार्फत राहायची सोय देखील करण्यात आली आहे . या ठिकाणचे वैशिष्ट्य म्हणजे या ठिकाणी उजव्या आणि डाव्या दोन्ही सोंडेचे गणपती एकाच गर्भगृहात विराजमान झालेले दिसतात . जळगावहून येताना खुटवड या
मंदिर दर्शन झाल्यावर मी पुढील प्रवास सुरु केला . मंदिरातून बाहेर आल्यावर मी एका सहा आसनी रिक्षातून एरंडोलला आलो . तेथून महाराष्ट्र राज्य परिवहन महामंडळाच्या बसने धरणगावाला आलो धरणगावाहून एका खाजगी मिनीबसने चोपडा या गावी आलो .
चोपडा दर्शनानंतर मी माझा मोर्चा माझ्या अंतिम पर्यटनस्थानकडे अर्थात उनपदेव आणि मनुदेवी या गरम पाण्याच्या स्थळांकडे फिरवला . चोपड्याहून यावल अथवा जळगावला जाणाऱ्या बसमधून आपण या ठिकांणांहून जवळ असणाऱ्या अडावत या ठिकाणी जाऊ शकतो . अडावत हे ठिकाण चोपड्याहून सुमारे वीस किलोमीटर दूर आहे .अडावत या ठिकाणहून दोन्ही ठिकाणी जाण्यासाठी खाजगी गाड्यां करणे क्रमप्राप्त आहे .
टिप्पण्या