पाकिस्तान सरकार संभ्रवस्थेत !
पाकिस्तातील केंद्र सरकार पुर्णतः संभ्रावस्थेत सापडल्याचे तेथून येणाऱ्या बातम्यांमधून स्पष्ट होत आहे . नुकतेच सत्तेतून पायउतार झाल्यामुळे प्रमुख विरोधी पक्ष झालेल्या पाकिस्तान तेहरीके इन्साफ या पक्षाचे संस्थापक अध्यक्ष इम्रान खान यांच्या मागणीपुढे मान तुकवत देशात सार्वत्रिक निवडणूक जाहीर करायचा तर् इम्रान खान यांनी संसद भंग केली असता सदर कृती घटनाबाह्य लोकशाहीची हत्या झाल्याचे नागरिकांना सांगत सत्ता घेतल्याचे समर्थन कसे करायचे तसेच जर राज्यशकट पुढे नेयचा तर देशापुढे माउंट एव्हरेस्ट(जगातील सर्वात उंच जागा ) , ते मारियाना गर्ता (जगातील सर्वात खोल जागा ) यातील अंतर सुद्धा कमी वाटावे इतक्या मोठ्या प्रमाणात असणाऱ्या समस्या सोडवण्याचे आव्हान . या समस्येत तेथील केंद्र सरकार पूर्णतः फसले असल्याचे दिसून येत आहे.
या सरकारकडून करण्यात आलेल्या निवडणूक सुधारणांवर देखील टिकेची झोड उठत आहे. इम्रान खान यांच्या विरोधातील सरकारने पाकिस्तानी निवडणूकीत इलेक्ट्रॉनिक मतदान यंत्रे वापरण्यास मनाई करणे, तसेच अनिवासी पाकिस्तानी नागरीकांना मतदानाच्या हक्कापासून वंचित करच्याची दोन विधायके पाकिस्तानच्या प्रांतिक विधीमंडळात तसेच त्यांचा आपल्या राज्यसभा समकक्ष ज्याला ते सिनेट म्हणतात यामध्ये मंजूर केली आहेत. त्यामुळे ती विधीयके जवळपास मंजुर झाल्यासारखीच आहेत. पाकिस्तानी अनिवासी नागरीकांचा मोठा पाठिंबा इम्रान खान यांना असल्याने तसेच इलेक्ट्रॉनिक मतदान 
यंत्रात फेरफार करता येत नसल्याने, पाकिस्तानच्या केंद्र सरकारने हे पाउल उचलण्याचा आरोप विरोधकांकडून करण्यात येत आहे.
मात्र या वादावर पाकिस्तानमधील राजकीय मान्यता नसलेला मात्र सत्तेच्या सर्व चाव्या नेहमीसाठी खिश्यात असलेला राजकीय पक्ष म्हणून सहजतेने ओळखला जावू शकतो त्या लष्कराकडून अद्याप काहीही प्रतिक्रिया देण्यात आल्याचे वृत्त नाही. मात्र पुर्व इतिहास बघता कधीही लष्करी उठाव होउ शकतो.जे फक्त पाकिस्तानी नागरीकच नव्हे तर भारतासाठी धोकादायक आहे. पाकिस्तान या समस्येतून लवकरात लवकर शांत होवून प्रगतीच्या वाटेवर येण्यातच भारताचे हित आहे.
टिप्पण्या