पाकिस्तानात सध्या चाललंय तरी काय ?
पाकिस्तानात सध्या चाललंय तरी काय ? अस प्रश्न उपस्थित व्हावा . अश्या घडामोडी सध्या पाकिस्तानात घडत आहेत . पाकिस्तानचे नवनियुक्त लष्करप्रमुख असिफ मुनीर हे पदाची सूत्रे हाती घेऊन २४ तास होत नाही तोच पाकिस्तातनने दहशतवादी संघटना म्हणून जाहीर केलेल्या तेहरीके तालिबाबान पाकिस्तान या संघटनेकडून शस्त्रबंदी मागे घेत असल्याचेआणि यापुढे सर्व पाकिस्तानात दहशतवादी हल्ले करणार असल्याचे जाहीर करण्यात आले ते नुसते जाहीर करून थांबले नाहीत तर पुढच्याच दिवशी पाकिस्तानमधील क्षेत्रफळाने सर्वात मोठा जवळपास देशाच्या क्षेत्रफळाच्या ५० % क्षेत्रफळ असलेल्या बलुचिस्थान प्रांताची राजधानी असलेल्या क्वेटा शहरात एका बॉम्बस्फोट देखील केला ज्यामध्ये एका पोलिसासह एकूण ४ जणांना प्राणास मुकावे लागले . बॉम्बस्फोटात मृत्युमुखी पडलेल्या व्यक्तींची संख्या कमी असली तरी नवीन लष्करप्रमुखांच्या पुढे कोणते आव्हान आहे ? याची हि चुणूकच म्हणावी लागेल . पाकिस्तानातील लष्कराची तेथील राजकारणावर आणि प्रशासनावर मोठी पकड आहे पाकिस्तानी लष्कराच्या संमतीशिवाय तिथे कोणताही पंतप्रधान राज्य करू शकत नाही हे बघता पाकिस्तानी लष्कराला असे आव्हान देणे किती मोठी गोष्ट आहे हे समजते .
भारताची पाकिस्तानबरोबर मोठी सीमा आहे त्याची अनेक महत्वाची शहरे भारत पाक सीमेपासून अत्यंत जवळ आहेत. आपल्या पंजाब मध्ये शेतात तण जाळले तर त्याचा परिणाम तेथिल पंजाबवर होतो पाकिस्तानकडे अण्वस्त्र आहेत पाकिस्तान आणि चीन यांची मैत्री आहे चीन आपला प्रमुख शत्रू आहे या दहशतवाद्यांनी उच्छाद मांडला आहे असे सांगत पाकिस्तान सरकार चीनकडे मदत मागू शकते दहशतवाद्यना भारताची फूस आहे असा कांगावा पाकिस्तान करू शकते काही महिन्यापूर्वी तेथील सरकारच्या उचपदस्थाने चीनवरील हल्ला हा 
पाकिस्तानवरील हल्ला समजला जाऊन त्यास तसेच उत्तर देण्यात येईल असे सांगितले होते आता हि गोष्ट चीन करू शकतो या बाबी लक्षात घेता पाकिस्तान आपला शत्रू असला तरी त्याच्यात शांतता राहणेच भारतासाठी चांगले आहे
टिप्पण्या