माझे पहिले भाषणाची हकीगत

             आपल्याकडे ६४ कला आहेत असे म्हंटले जाते . वक्त्तृवकला ही त्यापैकीच एक . नुकताच मी त्या प्रांतात प्रवेशकर्ता झालो . अर्थात  हे घडले ते अपघातानेच मी काही या क्षेत्रात प्रवेश करायचे काही ठरवले नव्हते . तसे मी बरे लिहायचो ( म्हणजे अजूनही लिहितो बरका ) त्यामुळे काही लोकांसी ओळखीही झाल्या आहेत . अशीच एक ओळख झाली एका व्याख्यान आयोजनकर्त्याशी . माझे लेखन बघून त्यांना काय वाटले कोणास ठाऊक ? त्यांनी मला त्यांचा व्याख्यानांत मला श्रोत्यांना पिळायची परवानगी दिली आणि माझा वक्त्तृवकला या प्रांतात प्रवेश झाला
         व्याख्यानमालेच्या आयोजकांशी एक दोनदा बोलणे झाल्यावर अखेर विषय ठरला . विषय माझ्या नेहमीच्या लिखानपेटीतील नव्हता असो , विषय छान होता . जुन्या हिंदी चित्रपटातील नायिकेच्या प्रेमप्रकरणावर हा विषय बेतलेला होता .
                बर पहिल्यांदाच व्याख्यान देणार होतो आणि आयोजकांनी तुम्हाला दीड  तास देणार आहोत , त्याचा पुरेपूर वापर  करा . वेळेचा आधी संपवून टाकून आम्हाला वेळ भरून काढायला सांगू नका असा सज्जड दम भरला असल्याने जरासा चिंतेनेच व्याख्यानाच्या तयारीला सुरवात केली . आयोजकांनी वेळे बाबाबत सज्जड दम भरल्याने मी मी पहिले काही दिवस विषयाची तयारी सोडून मला किती शब्दांचे भाषण करायला लागेल यावर प्रचंड विचारमंथन केले . एका मिनिटाला इतके शब्द बोलले जातात म्हणजे तासाला इतके शब्द आणि दीड  तासाला इतके शब्द अशी गणिते मी सोडवायला सुरवात केली . त्या जोडीला इतके शब्द बोलायचे म्हणजे इतके वाचायला हवे तितके वाचायला हवे हि उप गणिते होतच कि सोबत  . बर या गणितातील मुख्य गणिताची अर्थात किती शब्दाचे व्याख्यान असायला हवे याबाबाबत चे लोकनाई सांगितलेले गणित आणि माझे वास्तविक गणित काही जुळेनाच . लोक सांगायचे एक मिनिटात ३० शब्द बोलले जातात . कोणी सांगायचे ५० शब्द बोलले जातात.आणि  मी जेव्हा माझे एक मिनिटात किती शब्द बोललो हे मोजायचे ते असायचे १२५ ते १५० ( माझा बोलायचं वेग अति जास्त आहे हे मला मान्य आहे ) .
             सरते शेवटी माझे भाषण दीड तासासाठी १८६० शब्द या मर्यादेवर स्थिरावले . नंतर प्रश्न आला तो आवाजातील चढउताराचा . त्यासाठी मला नाशिकमधील दोन व्यक्तींची मदत झाली . मी कमीत कमी शब्द बोलायला मिळावे या हेतूने विषयाशी संबंधाची काही गाणी वाजवण्याचा निर्यय घेतला .ज्याने मला बरेच तारले .   व्याख्यानाची तयारी करताना मला माझ्या जुन्या लेखांची खूपच मदत झाली . माझ्या लेखनाची फ्रेमच तुकामुळे बांधली गेली असे म्हणणं हवे तर .माझ्या वाचनाच्या छंदामुळे मी जमवलेल्या पुस्तकांमुळे संदर्भ शोधण्यासाठी फारशी दगदग झाली नाही तसेच जोडीला इंटरनेट रुपी माहितीचा खजिना होताच . त्याचा वापर करत अनेक धक्के खात अखेर मी माझे पहिला जाहीर भाषण १८ एप्रिल २०१९ दिले